Mercurii die 18 mensis Novembris 2026

INSOLITA

Iterum Hispania calamitate ferriviaria afficitur

Cum in Hispania  duo agmina ferriviaria magnae velocitatis colliderent, plus septuaginta homines perisse et plus centum et octoginta vulnerati esse dicuntur. Casus  accidit prope Urdam in provincia Toledo sitam. Utrumque agmen cum Matrito in Andalusiam profectum esset, alterum, quod IRYO societatis privatae est, nescioqua de causa constitit  altero, quod est societatis publicae RENFE, signo rubro neglecto in illud incidente. Minister publicus, cui commeatus commissus est, dixit agmen signo lucente nihilo minus iter pergere iussum esse. Collisione facta duae carrucae agminis IRYO de aggere ferriviario praecipitaverunt.

Ante sedem ministri multitudo regimini et ministro ipsi reclamavit, a quo rationem huius calamitatis repetiverit.
Ea res casum quendam in memoriam revocat, qui mense Ianuario in Andalusia accidit, cum agmen ferriviarium societatis IRYO ab orbita aberraverit et in contrarium agmen RENFEanum inciderit. In illa calamitate XLVI homines perierant.

Scripsit Lycus Austriacus - 31/10/2026 12h20


AMERICAE VOLATUS OMNES SUBITO CONSISTUNT: CAELUM CLAUSUM PER HORAS
DE LINGUA QUADAM QUAE EVANESCERE PERICLITATUR
Tragoedia in Belgio: Tramen et Autocinetum Scholasticum Collidunt
NUPTIAE INDICAE
De Collisione Ferriviaria in Regno Danorum Facta
DE URSO AVIDO SORBILLI GLACIATI
NUDUS BELLUM RECUSAVIT
DE BANANA ARTE EXHIBITA
DE VIRIDI TUTELA