Praeses Donaldus Trump nuntiavit Civitates Unitas rursus custodias maritimas in freto Hormusiano posituras esse. Omnes naves rei publicae Islamicae ex suis portubus exire vel inire in eosdem vetabuntur; immo solvendum erit navibus transeuntibus portorium viginti partium ex centum pretii mercis vectae. Nec hoc satis est: indutiae prorsus intermittuntur, cum petitio in sedem occultam nuclearem subterraneam Iraniae apparetur. *** *** Hesterno die lusor Italicus Iohannes Sinner rursus discessit victor certaminis teniludi Wimbledoniani et iure meritoque existimatus est primus inter ceteros hoc ludicrum in toto orbe exercentes. *** *** Hesterno die Pontifex Leo XIV praebuit primam encycliclicam c.t.e. “Magnifica Humanitas” de custodia hominum tempore Intelligentiae Artificialis quo necesse est novam aetatem humanam creare, cum orbis vexatur bellis et inaequalitate. Timor est ne commutatio digitalis dominium potentiorum et inopiam gentium augeat pro iure et fraternitate. *** *** Post unum mensem indutiae inter Persiam et Civitates Unitas labare videntur, cum hesterno die proelium navale factum sit in freto Hormuziano. Contra custodias maritimas Persarum naves onerariae ductae sunt ad transitum: qua re concursus exortus est et sex naves Persiae dissultae. *** *** Condiciones pacis in Pakistania inter Persiam et Civitates Unitas non convenerunt. Praeses Trump nuntiavit custodias maritimas in freto Hormuz. Sua vice Iranici declaraverunt fretum hostibus insidias fore. Interpretes Pakistani hortantur ne petitiones resumantur. *** *** Ut videtur, respondens praesidi Donaldo Trump, auctoritas Persiae consilium pacis proponit: agendum esse de indutiis quadraginta quinque dierum et de freto Hormuz rursus aperiendo.