FACETIAE

FABELLA RIDICULA

Quidam homo satis locuples et doctus semper proverbia et dicta proferre solebat cuicumque occurrebat. Quondam, ambulans passim, in via vidit pauperrimum stipem emendicantem, qui valde pilosus erat.

Dives. Barba non facit philosophum: tua est ad abundantiam.

Inops. Da mihi unum assem, quaeso: primum vivere, deinde philosophari.

Dives. Apertis verbis dicam: ad interim nummos non habeo; cras tibi aliquid donabo brevi manu.

Inops. Bis dat qui cito dat - respondit miser qui indoctus non erat.

Dives. Minus habens non es! Sed hodie mihi, cras tibi; faber est suae quisque fortunae.

Inops. Hic et nunc fame laboro!

Dives. Quod nomen tibi est?

Inops. Nullus sum, ne nomen quidem habeo.

Dives. Nomen omen. Modus vivendi tibi aptus est.

Inops. Non ex professo, nec ex voto.

Dives. De visu mihi videris callidus, sed frustra eruditus! Per angusta ad augusta, per aspera ad astra.

Inops. Tunc ad litteram mortuus ero fame!

Dives. Mors tua vita mea! Vae victis! Sic et simpliciter te moneo: non scholae, sed vitae discimus. In extremis, una tantum, toto corde te recreabo. Ecce panis gratis oblatus!

Proposuit Lydia Brighi Ariminensis

Facetiae a Bellatrice Florentina in TWITTER propositae

https://twitter.com/dodecafonia

~ Inter amicas ~ ☺️

-Scisne quae differentia sit inter novium et maritum?
-Minime. Dic mihi, quaeso…
-Triginta kilogrammata!

*****

~ Tres viri... ~ ☺️

Tres viri,alius Gallus alius Italus aliusque Germanus,inter se certant: Victor declarabitur qui in cubiculo muscarum pleno plus restiterit. Incipit Gallus, sed post quique minuta exit desperatus. Germanus plus resistit, sed post mediam horam exit. Italus autem manet sex horas.
“Quomodo fecisti?”, rogant comites. “Quandam muscam necavi”. “Quid?”, Germanus dicit. Et Italus respondit: “Clare. Omnes funus parabant!”.

*****

~ Facetiae de fabella celeberrima ~ ☺️

LVPVS: Quis portam pulsat?
CAPERVLA: Ego, Caperula, neptis tua dilecta, portam pulso, o Avia!
LVPVS: Intra, cara…
CAPERVLA: O Avia mea! Magnas aures habes..!Et magnos oculos et ingentes dentes habes!
LVPVS: Venistine tantum ad vituperandum?

*****

~ Facetiae matrimoniales ~ ☺️

- “Uxor mea tesseram crediticiam perdidit”.
- “Fecistine denuntiationem?”
- “Minime. Fur minus expendit!”

*****

~ Filius ad matrem ~ ☺️
-Mater, cur patrem non expectamus antequam cenamus?
-Fili mi, si patrem tuum expectavissem, tu nondum natus esses!

*****

~ Facetiae ~ ☺️

Cur medici semper tranquilli sunt?
Quia multos patientes habent.

Proposuit Bellatrix

De Americanorum monolinguismo

Natacha hanc facetiam nobis proposuit apud Twitter;

Rions un peu :
Quomodo vocas eum qui tribus linguis loquitur ?
-eum trilinguem vocas.
-Quomodo vocas eum qui duabus linguis loquitur?
-eum bilinguem vocas.
-Quomodo vocas eum qui una lingua loquitur ?
-….
-Eum Americanum vocas!

— Natacha (@mmechautard) June 7, 2023

Tamen non verum est! Nonnulli Americani Lingua latina expedite utuntur in rete. Ut reperire possumus in pagina nostra "Acroamata". Utinam Europaei eadem fortitudine latinitatem vivam promovissent!

Proposuit Natacha

De tribus amicabus

Tres amicae cafeum in thermopolio quondam potabant deque cuiusque maritis sermocinabantur; una narrabat suum Petrellum cum amaret in lecto tergus ac nates duras et calidas habere; altera idem de suo Juliano dixit, scilicet, in actu amatorio, nates duras et calidas habet; interrogata tertia, confitetur numquam mariti nates inter rem amatoriam tetigisse. Tunc duae amicae tertiam monuerunt ut nocte insequenti nates viro tangeret. Die autem crastino duae amicae cafeum bibentes tertiam exspectabant, quae cum venisset, ostendebat oculum tumidum et in corpore plagas pedeque altero clauda vix ambulabat. Interrogata quid actum esset, ita respondit: nocte superiore in lecto cum maritus me amaret, eius nates tetigi, quas inveni duras et calidas, eique ad aurem dixi nates eius esse similes ac Petrelli et Juliani.

Proposuit Paulus Kangiser

NUNTII PAROECIALES

Hi nuntii paroeciales authentici, e variis locis collecti, nunc in Latinum sunt translati; quamvis bono animo sint scripti tamen duplici sensu vitiantur, quod risum movet nec religionem laedit.

*Proxima futura feria V (die Iovis), hora quinta, matrum circulus sessionem habebit; eae mulieres, quae in matribus cupiant numerari, parochum, quaesumus, adeant.

*Feria VI, hora septima, nostrae paroeciae pueri in scaenam agent opus “Hamlet”, Vilhelmi Shakespeare, in aula pareociali. Omnes vicinos vocamus: Adeste in hac tragoedia!

*Dilectae matronae: mementote venditionis pro charitate; haec opportunitatem affert ut inutilia, quae aedibus saepe obstant, deponamus. Etiam maritos adducite.

*Hodie catechesis agitur “de Iesu, super aquis ambulante”.

Cras: “Iesus quaerendus est”.

*Certamen ludi bascaudarii (1) inter paroecias perget feria III vesperi, qua die venite frecuentes et nostrae factioni magno plausu iuvate ut Christum Regem vincamus.

*Mementote ad feriam V inceptum iri catechesin pueris et puellabus, utriusque sexus.

*Mensis Novembris finem habebit precatione omnibus defunctis recitanda.



(1) Basketball

Proposuit Paulus Kangiser