Caedes Americana
Ante duos dies in ludo Christiano Tennesio Nasburgi Audrey Elizabeth Hale, annos XXVIII nata necnon pristina scholae discipula, sclopeto caedem infandam cruentissimamque perpetravit: homines enim III, id est praeses, magister ianitorque, puerique III mortem obierunt. Vigiliae denique sicariam ipsam interfecerunt. - 29/03/2023 06h21
Nuntium Boreoamericanum
In ludo Floridensi apud caput Tallahassia Spes Carrasquilla praeses necnon artium historiae magistra, cum Michaelis Angeli Bonarotii statuam 'David' nulla parentum permissione discipulis annos XI-XII natis commonstraret, repente dimissa est; imago vero a parentum nonnullis tamquam obscaenum exprobratur. - 24/03/2023 22h26
De lege Francogallica
Lex ipsa Francogallica de quiescentiae aetate a LXII ad LXIV annos augenda, ad quam vitandam civium moles maxima diutius questa est, post senatus modo nec omnis parlamenti suffragium hodie promulgata est. - 16/03/2023 18h51
