CINEMATA

QUOQUO MODO TE AGAS ERRAS

(Come ti muovi sbagli)

Auctor: Manuelarosi

QUOQUO MODO TE AGAS, ERRAS

(Come ti muovi sbagli)

ITALIA/FRANCOGALLIA 2025

DISPOSITOR SCAENARUM: Iohannes Di Gregorio

HISTRIONES MAXIMI MOMENTI: Iohannes Di Gregorio; Iaia Forte; Greta Scarano, Tom Wlasschihia.

GENUS: Comicum.

Fabula narratur iucunda, levis, hilaris, simulque comica, sed sensus amoris plena. Primas partes agit magister emeritus litterarum, qui vitam quietam agit,  cotidie in taberna amicos convenit ut chartis ludat. Ei est severus curator domus, qui rebus domesticis providet et morem domini regit. Quaedam femina aetate firmata, Johanna nomine, magistrum assectatur sensum carentem et ad villam extra urbem invitat.  Extemplo aliquid eius tranquillitatem subvertit. Sine monitu filia Sophia  cum nepotulo Thoma et nepte puellula Olga domum advenit vidulis onusta. Nam a Germania profecta erat ut Romae apud patrem commoraretur, relicto viro qui adulterium fecerat. Praesertim parvus puer trepidus pila ludens perturbat domum et res infringit.  Iratus, famulus dominum derelinquit.  Ideo magister, qui numquam nominatur, cogitur ad purgandum et cibos parandos et coquendos, in pulvinari ad dormiendum.  Nam Sophia, saepe rudis erga patrem, cum vellet iterum studiis se tradere expellit patrem a tablino et etiam a cubiculo. Neptis inquieta  puerum amat maiorem aetate.  Titulus pelliculae explanat quomodo tolerantia in omnibus rebus necesse sit.

Interea maritum, nomine Hemult, valde adulterii paenituit, sed frustra telephonice veniam ab uxore petit. Qua re pro paenitentia statuit proficisci et pedibus usque ad Urbem ire. In itinere laborioso et periculis pleno invenit comitem, qui lupus videtur sed mansuetus eum sequitur et cibum sumit.  Non longe a capite, consumptis viribus et pedibus dolore tortis, telephonice auxilium petit a socero qui illum vehit domum cum fido lupo. Laetum epilogum potes animo concipere. Magister solus manet cum lupo: tunc demum se contulit rus ad amicam ubi  magnam familiam invenit. Facile finem fabulae intelligitur.

Pellicula spectatores delectat levitate et comitate, sed sensus et amor non desunt. Excellit inter alios histriones persona Iohannis Di Gregorio, qui est etiam dispositor scaenarum.

Scripsit Lydia Ariminensis

---

De Palma Aurea Filmis Data: Fjord a Christiano Mungiu
DE MATERIAE ADDICTIS (SIVE POTIUS DE AMORE ET MATRIMONIO)
MOANA CIRCA AUSTRONESIORUM RES CURIOSITATEM RESUSCITAT
MARGARITAE THEOREMA
UNA VITA (ONE LIFE)